Mike Eman: Edificio aki a sufri e mesun consequencia di pais Aruba
8 September 2009
Dialuna mainta AVP a tene su conferencia di prensa seminal, pero e biaha aki un delegacion di e partido berde a tene e conferencia dilanti di Besuurskantoor. Lider di Partido, mr. Mike Eman a declara cu Bestuurskantoor durante ultimo 8 aña a sufri e mesun consequencia di Pais Aruba. Awe portanan ta sera y e edificio ta den un estado deplorable mescos cu schoolnan, edificio di DOW y Belastingsdienst. Un decadencia, un deterioro di edificionan y persey ultimo 8 aña nos a dedica nos mes na controla gobierno pero tambe na prepara nos mes, Nos a hinca hopi tempo, conosemento y energia den e preparacionnan aki pa nos por realiza e cambio cu mester bin y ta falta solamente 18 dia pa e cambio aki tuma lugar. “Awe na inicio di e periodo final nos kier comparti cu Pueblo kico nos tur por haci pa cohuntamente nos pone e prioridadnan caminda nan mester ta pa pueblo y nos pais,” asina lider di A.V.P. a declara. Mr. Mike Eman a declara cu A.V.P. tin intencion di revitaliza tur e barionan y centronan di cuidad na Aruba. “Pa nos barionan ta limpi y pa nos cayanan ta sigur,” tawata palabranan bon escogi di mr. Mike Eman kende a enfatiza cu e parti di un comunidad organiza, e limpieza, e seguridad y edificionan den bon condicion ta e aspectonan cu semper tawata e forza di nos comunidad.
Lesa MasDESPUES DI PRESENTACION DURANTE DI CONFERENCIA DI PRENSA TA BISTO CU MIKE EMAN UN LIDER CU VISION PA FUTURO
7 September 2009
Lider di AVP mr. Mike Eman durante di e conferencia di prensa dilanti di Bestuurskantoor a presenta e plannan pa e edificio aki y aerea cu ta rondone. E plannan aki ta demonstra claramente e diferencia entre liderazgo di e dos partidonan mas grandi di Aruba. E liderazgo ta refleha den e grupo cu ta rondona e lider y e manera con nan ta funciona. Por ehempel: nos gobierno actual tin e costumber di tuma decisionnan ad hoc y mayoria biaha ta resulta cu e decisionnan mester worde hala aden of ta tuma otro decision cu ta remplaza decisionnan anterior. E palabra “goberna” ta bin for di e lengua griego antiguo y ta nifica: mira padilanti. Asina ta cu un gobernante mester tin un vision pa furturo. E mester por visualiza con su pais lo ta aki 20, 30 of 50 aña. Basa ariba e vision aki e ta tuma decision y crea proyectonan. Na momento cu un gobernante no tin vision e pais no ta worde goberna sino simplemente e pais ta worde maneha. Esaki ta un malgastamento di tempo, placa y energia pasobra no por tin un desaroyo integral. Awendia hasta companianan tin nan plannan pa proximo 10 of 20 aña pa nan por tin un desaroyo optimal y por competi den un mercado cada biaha mas competitivo.
Lesa Mas
AVP TV
