Como medio di prensa nos a logra drenta den e edificio pa por wak pa nos mes e deterioro di e edificio bandona aki. E edificio aki tin hopi historia su tras. E ta caminda e prome Prome Minister di Pais Aruba a cuminsa traha, sigui pa tur Prome Minister, te ora cu Sr. Nelson Oduber a dicidi di sali for di e edificio y lage bandona pa basta tempo caba.

Ta bon pa nota tambe cu den e edificio aki, Sr. G.F. Betico Croes, cu tin biaha ta jena boca di Sr. Nelson Oduber, tambe tin basta historia den e edificio aki. E edificio aki y Status Aparte tin hopi en comun. E dicon di e insistencia di laga e edificio histórico aki cay, ta keda un misterio pa un y tur na Aruba.

Ta di aprecia cu Sr. Mike Eman kier simbólicamente pone un énfasis ariba restaura nos edificionan histórico. No únicamente e historia di e edificionan ta importante, pero tambe nan valor cultural y Arkitectonico. Di nos banda nos ta spera cu den futuro Aruba por conta atrobe cu edificionan restaura, manera esun di Censo cu ta un orguyo cultural y histórico di nos pueblo.

Motibonan pa e victoria grandi aki ta varia di persona pa persona, pero loke tur hende ta keda menciona en comun ta e “team”. E team cu hopi hende ta referi na dje como e “Dream-Team” ta loke a trece e vitoria segun hopi observador. Hopi tambe ta referi na e plan, cu ta un documento cu a sobresali grandemente ariba di otro partidonan politico. Pero no tin duda cu e lider cu a forma e team y a formula un maneho pa por jega na e plan, ta merece hopi credito: Mike Eman. Cu un total di mas di 8000 votos, cu hopi ta referi na dje como “E Lider Stima di Aruba” ta bira e votegetter pa di dos biaha consecutivo. Faltando e resultadonan di e ultimo urna electoral, Mike Eman a hiba un discurso bunita, yena cu inspiracion y speranza dilanti di Cas di Partido Playa. Un multitud grandi di sostenedornan di e partido a aglomera dilanti di e centro di e partido politico, pa saluda y scucha e lider di Partido di Pueblo Arubano, y awo alaves e Prome Ministro electo, su palabranan.

For di paisnan bisinja un cantidad di politico y lidernan di e region a jama Mike Eman pa salude. For di reunionan di G20 na Merca, Prome Minister di Hulanda, a tuma tempo special pa jama Mike Eman y felicite cu e logro grandi y bunita pa Pais Aruba. Prome Minister, Emily den Jongh El-Hage, Secretario di Estado Hulandes, Ank Bijleveld, Minister di Salubridad Ab Klink, Ministernan di Antiyas Martis y Zus de Lanooy y Presidente di Staten di Antiyas ta entre otro e politico y lidernan den Reino cu a jama pa felicita e Prome Minister electo di Aruba, Mike Eman. For di mas leu un cantidad grandi di lidernan afilia na ODCA y IDC a jama felicita Mike Eman, cu den e organisacionan aki tin.

Segun informacionan cu nos ta dispone di dje, cu Dialuna lo ta un dia importante y intresante pa desaroyonan politico. Entre otro e Prome Minister Electo lo bishita gobernador pa delinja e pasonan di e siguiente dianan.

Un felicitacion ta bay na henter partido AVP cu e resultado cla y raspa aki y specialmente na Mike Eman cu tin e vision, perseverancia y perspectiva pa por trece e cambio cu pueblo ta anhela pa e ultimo anjanan cu awor ta nos tras aki na Aruba.

Mr. Mike Eman a sigui bisa cu Bestuurskantoor ta ariba e lista di monumenonan y a worde cosntrui den decada 50 y e plan ta pa restaura e edifio aki completamente. Ora bo ta papia di revitaliza bo centro di ciudad bo ta cuminsa cu e centro di gobernacion y awe nos ta presenta e plannan pa e sitio aki. E edifio aki por poco gobierno a bente abao y bend’e, pero danki na esfuerzonan grandi di AVP e edifio tei ainda y tur hende por mira awe kico nos kier haci pa lanta henter e aerea y haci nos orguyoso atrobe. Bestuurskantooor lo worde restaura pa duna realce na nos historia. Aki nos a acepta nos autonomia na 1954 y aki nos a drenta Status Aparte na 1986, Nos hubentud a canta aubade dilanti di e edifcio aki y awe nos kier munstra con bunita e lugar aki por bira. Lo bin un edificio aserca caminda Minsiterraad por funciona optimalmente. E plan ta pa tur e edificionan  patras di bestuurskantoor forma parti  di un centro di gobernacion y lo worde conecta cu otro via di un parke di recracion cu estatuanan di esnan cu ainda no a worde reconoci manera Padu Lampe cu a scirbi e himno di Aruba. Esaki ta cuminsamento di un revitalizacion completo di e centro di Playa caminda cu lo sera e shelter y percura pa nos hendenan hanja recuperacion otro caminda. Caya Grandi tambe lo haña e atencion necesario, pero no pa algun hende bira doño di e caya. E era di friends & family ta yega na su fin y ya hendenan ta cuminsa respira e aire fresco di un camibio caminda inversionnan lo worde haci en infrastructura di nos pais asina lider di AVP a declara.

Durante ultimo 8 aña nos pais a worde maneha y esaki ta bai cambia despues di dia 25 di September. Ariba e fecha historico aki pueblo di Aruba lo eligi un lider nobo cu tin un vision cla pa futuro. Un homber cu ta mira claramente cu pa Aruba progresa tur hende mester  progresa. Un lider cu tin sentimento sosial y ta comprende cu e pueblo mester tin placa pa paga su cuentanan di awa y electricidad. Tatanan di famia mester por pone pan ariba mesa y famianan humilde por tin soñonan grandi pa nan yiunan. Tin hobennan talentoso y inteligente cu tambe merece di tin un computer, pero e mayornan no por cumpra esaki. E programa di computer pa muchanan di scol lo bin bek pasobra aki nos tin un lider cu ta mira cu muchanan naci den famianan di menos recurso tin un desventaha ariba otronan. Mike Eman ta un berdadero lider di pueblo y no kier mira nos grandinan pasa trabao pa sobrevivi pasobra e placa di pension no ya no ta alcansa.  E problematica di choller tin su atencion y ta halto ariba su lista di prioridadnan pa e partido lidera pa Mike Eman. Na lugar di sigui ariba un caminda sin resultado Mike Eman ta mira cu ta mihor acepta centronan di rehabilitacion den exterior pa duna nos un man. Cu Mike Eman na timon, e barco Aruba lo nabega pa un destino sigur na beneficio di un y tur. Esey por worde bisa solamente ora cu tin un lider cu tin un vision pa futuro.

E lider amigo a duna como ehempel sr. Teixeira, kende cu dedicacion y perseverancia a logra e rango di Luitenant der 2e klasse. Sin embargo e no por sigui den e funcion despues di a cumpli 30 aña y esaki ta algo cu segun Mike Eman mester por worde cambia. Sr. Teixeira y tambe otronan hunto cu ne mester por tin e posibilidad di sirbi nan país pa mas tempo den servicio militar. E lider di AVP a termina bisando cu tur esnan cu ta den servicio militar por conta cu un gobierno di AVP lo haci esfuerzo maximo pa convense e ministro di defensa pa militarnan arubano por tin e opción di un carera mas largo y fructífero den Arumil.

Tawata un gesto bunita cu a worde aprecia pa esnan cu hopi biaha ta worde lubida y por a mira esey ariba cara di nos grandinan y e forma cu nan a convivi cu esaki. Nan a canta y baila, come bolo y bebe refresco den un ambiente di un fiesta di famia. Un famia grandi cu a celebra cumpleaños di, manera un senjora di 81 anja a expresa; “ Mi yiu Mike”. E señora a duna un tremendo speech caminda cu e ta pidi Dios pa duna Mike hopi anja di salaud y bida, inteligencia y pasenshi pa e traha pa e pueblo di Aruba. Palabranan sumamente bon escogi cu a worde aprecia pa tur esnan presente y specialmente pa e lider amigo kende cierto momento casi no por a domina su sentimentonan. Nan a baila y goza y por a mira e lider amigo marca paso cu algun di nos grandinan ariba pista. Esaki tawata un bunita bista pasobra no ta tur dia bo ta mira un politico traha tempo pa bishita nos grandinan y realmente pone nan sinti bon.

Celebracion di cumpleaños di Mike Eman a sigui na Cas di Partido na Playa den oranan di anochi, caminda un multitud a bin pa duna pabien na e amigo y lider. Tawata tin snacks y hasta un bolo gigantesco. Mike Eman acompaña pa su señora a corta e bolo y a duna e prome pida na un mucha. Esaki ta pa symboliza e compromiso cu AVP cu hubentud, contrario na partido MEP cu tin un compromiso cu friends & family. Impak a percura pa un tremendo ambiente musical y a presenta un cancion nobo dedica na Mike Eman. Miles di hende tawata pafor bailando ariba musica di Impak y celebrando e fiesta di cumpleanjos di Mike Eman na grandi. Tawata reina un ambiente hopi alegre loke ta enfatiza un biaha mas e popularidad di e lider amigo. E fiesta a sigui te den oranan lat di anochi caminda ya bo por a sinti e ambiente di victoria elecoral ta colga den aire.

Mr. Mike Eman a trece padilanti cu e ta reta sr. Nelson Oduber pa un debate ariba seramento di e refineria  pa tur hende sa kende ta responsable pa ciere di e refineria. Kiko BBO ta haci pa Aruba. Den industria turistico ya nos a perde 3000 cupo di trabao. Awor 700 tata di famia ta bai cas y hopi mas lo sigui ora cu completa e shut down. E lider di A.V.P. a enfatiza cu Gobierno tin un nomber y esey ta Nelson Orlando Oduber kende ta intransigente. Tawata tin solucionnan posibel pa K.L.M. y Carnival Cruises mescos cu den e caso di Valero si tin un gobierno cu por negocia. Tambe mr. Mike Eman a reta sr. Nelson Oduber pa pone su plannan ariba mesa pa e proximo gobernacion pasobra a tende cu e ta dispuesto pa forma coalicion pa e por keda den gobernacion. E por keda den gobernacion. Sr. Mike Eman a sigui bisa cu esaki ta cos cu tur hende na Aruba mester tene bon na bista, e partidonan chikito, cu si MEP sigui den gobierno nos ta bai haya BBO di 6 por ciento, mas desempleo y mas criminalidad. E lider di A.V.P. a bisa tambe cu e cuenta di autonomia, pueblo no ta kere e cosnan ey pasoabra si tin un partido cu ta pone nos perde nos autonomia, esaki ta partido MEP. Pasobra of Hulanda ta intreveni pa motibo di e corupcion di e gobierno aki of ta bin polarizacion entre Gobierno di Aruba y Gobierno di Hulanda cu Hulanda ta bisa cana e caminda di independencia, laga e pasaporte hulandes cay. “Cu partido AVP pueblo por ta sigur cu nos ta mantene Status Aparte, pasobra nos a prueba caba cu nos por carga gobernacion di nos pais sin intervencion di Hulanda”.

“Nos a mustra cu prijs di costo pa produci awa y electricidad tambe lo worde afecta. Apesar cu no tin BBO riba awa y coriente e otro productonan cu WEB y Elmar mester si ta bai aumenta cu BBO, concequentement awa y electricidad tambe lo bai subi. Nos a analysa cu e unico cu ta sali beneficia di BBO ta e caha di gobierno. Ora mira locual gobierno ta haya na entrada y locual supuestamente ta duna bek ta bisto cu e introduccion di BBO no ta “budget neutraal”. Pueblo ta paga hopi mas cu e ta haya na compensacion. Pueblo ta bira mas pober y gobierno ta sigui haya mas placa pa malgasta. E pronostico aki a bira e amargo realidad, mr. Mike Eman ta bisa.

Tur instancia a duna nos argumento mas forza. Raad van Advies a bisa: “De Raad kan zich op grond van het bovenstaande niet met de doelstelling en de inhoud verenigingen en geeft u in overweging het onderhavige ontwerp niet aan de Staten aan te bieden”. Raad van Advies: “De regering beoogt 3.1% aan koopkrachtverlies te compenseren; de introductie van een 3% BBO, cumulatief, zou in Sint Maarten een prijsstijging hebben veroorzaakt tussen de 15 en 18%”

E compensacion di gobierno lo no yega. Banco Central tambe a alarma pa e concequencianan di inflacion cu BBO di 3% lo causa corda awor un di 6%. Ora analysa e cifranan cu gobierno a duna nos a yega na e siguiente conclusion. Inflacion ta bai subi dramaticamente. E reduccion den impuesto di gobierno cu ta basa riba un inflacion di 3.1% nunca lo bai cubri e sla duro cu e aumento di costo di bida ta bai subi cune. Esaki a resulta awor e doloroso berdad, e lider di AVP, mr. Mike Eman ta mustra. Un inflacion di 10.2% Aruba a haya cu BBO di 3% corda awor cu gobierno ta preparando un BBO di 6%.

AVP a mustra riba tur e cosnan aki. Nos a cita Raad van Advies y Banco Central.

Aruba henter ta bira mas pober, nos a adverti y bai baricada pa scapa Aruba di esaki.

Nos a mustra tambe cu BBO ta bai afecta negoshinan y economia di Aruba.

“E lucha ta continua, BBO mester worde revoca y mester evita cu e gobierno cu kier aumenta BBO na 6% worde manda cas. Aruba lo mester conoce un rumbo nobo, e lider di AVP, mr. Mike Eman ta bisa. Awe mas cu nunca nos mester haci e compromiso cu BBO mester bai. AVP a pone cifranan den un presupuesto alternativa con por elimina BBO, reduci gasto y inversion den alivio pa pueblo, den ensenanjansa, infrastructura, den asistencia social husto, un calidad di bida husto y bon pa pueblo.

E trabou cu e minister aki a desplega desde cu e la asumi responsabilidad pa e cartera aki ta uno sumamente deficiente. Partido AVP, varios biaha a mustra ariba e hecho cu partido MEP su prioridadnan ta robez. Scolnan ta den un estado nunca bisto na Aruba. Hopi ainda ta corda e incidente caminda un maestra di un scol na Paradera a wordo herida ora cu un fan a cay ariba dje. Esaki ta algo cu a haya oido den medionan di prensa. Pero e deterioro den nos systema educacional ta uno hopi serio y profundo. No unicamente e estado fysico di e systema educacional a bira inadecuado, si no henter e base ariba cua nos futuro generacionan lo carga nos país a cay na suela. “Drop outs” ta un fenomeno cu nunca tabata halto na Aruba, pero e proporcionan di awendia ta sumamente alarmante. E simple hecho cu Aruba no a inverti adecuadamente den educacion pa 8 aña largo caba, ta haci e situacion hopi serio. Den ultimo añanan nos poblacion tabata tin un crecemento natural enorme. Pero e inversion den educación apropia di nos jiunan, no a sosode. Loke nos ta wakiendo ta djis algun di e sintomanan di un comunidad den deterioro total.

PARTIDO AVP KIER TRECE UN CAMBIO DEN E DIRECCION DI NOS PAIS.

E focus pa nos país ariba tereno di enseñansa ta uno di prioridad maximo. Un di e prioridadnan di e partido ta pa renoba scolnan. Pero esey lo ta mitar trabou. E partido berde kier pone focus tambe ariba mantención di scolnan den un forma continuo. Perferencia di e partido ta bay na aumenta e inversionan den enseñanza cu sumanan substancial tur aña. Ley di enseñanza obligatorio lo wordo aproba y implementa. Aruba ta e único país den Reino cu no tin ley di enseñanza obligatorio. Esey ta algo c uta muestra cu un cambio mester bin.

E maestro tin un posicion clave den un sistema di enseñanza. Partido AVP ta di opinión cu un prioridad clave pa resolve e crisis den nos educación ta pa duna baolr nobo na e función di e maestro di scol. E partido lo haci esaki dor di inverti den profesionalisacion y facilidadanan pa maestronan den scol. Mester traha y ehecuta e maneho di enseñanza den cooperación continuo cu studiantenan, mayornan, maestronan, directivanan di scol y departamentonan di gobierno. Reconose y sostene cada instancia den carga nan responsabilidad pa e calidad y resultado di enseñanza. Percura pa suficiente lugar pa cuido di muchanan entre cero y cuatro aña.  Expande e cantidad di lugar pa cuido después di scol, pa muchanan di enseñanza básico (Traimerdia). Introduci un sistema pa guía, actividad y estudio pa hobenan (12-18 aña) di enseñanza secundario.

Loke ta wordo presenta aki ta únicamente parti di e visión cu partido AVP tin pa enseñanza. Plan “ARUBA’RIBA” tin detayadamente deliña e maneho cu partido AVP tin pa cambio den enseñnsa di nos jiunan. Mester duna enseñanza bek na futuro di nos país.

Den varios ocacion, Mike Eman a mustra ariba e necesidad pa elimina e medida inhusto y extremo aki. For di informacionan detaya, basa ariba cifra y investigacionan scientifico, partido AVP a entrega dos presupuesto alternativa na parlamento di Aruba, cu ta mustra cu e BBO por wordo elimina. E hecho cu BBO ta basa ariba régimen acumulativo, tin nos economía stagna. E stagnacion aki tin como consecuencia cu hopi trahador, specialemente cabesnan di famia ta den un inseguridad financiero económico. Den e discurso nacional di Mike Eman cuminsamento di e siman aki, e líder di e partido berde e reitera e vision aki un biaha mas: BBO TA BAY!

No unicamente e partido lo elimina BBO, pero tambe tabata enfatico ariba e hecho cu partido AVP lo mantene loonbelasting ariba e nivel di januari 2009. E strategia cu ta haci esaki posibel ta detaya den plan “ARUBA’RIBA” y ta basa ariba estudionan facilita pa entre otro FESCA y un cantidad di expertonan local y internacional ariba e tereno aki.

Costo di bida awe ta sumamente halto debi na e inflación cu BBO a causa den nos economía. Awendia ta sumamente difícil pa majornan por sostene nan jiunan di e mesun manera cu nan lo por a haci’e 8 aña pasa. E situación ta hopi difícil pa hopi famianan, specialmente pa esnan cu menos entrada.

Partido AVP, según líder di partido AVP, ta dedica un parti grandi di plan “ARUBA’RIBA” na su visión pa rescata Aruba for di e crisis económico cu pais Aruba ta aden. E pilar di e rescate ta basa ariba eliminación di BBO, pero alaves mester evalua e otro medidanan cu gobierno a tuma den ultimo 8 añanan cu a causa aumento di costo di vida. Mester tambe intensiva control di prijs den supermercado y tiendanan. Specialmente ariba productonan di prome necesidad.

Otro aspecto hopi importante, ta e hecho cu partido AVP kier stimula desaroyo di energía alternativo pa yega na 40% di nos necesidad di energía y baha nos dependencia di petróleo y consecuentemente tambe e baha e peso di brandstof-clausule.

Lider di AVP, mr. Mike Eman durante di su discurso nacional, tawata tin un mensahe alentador pa tur nos studiantenan di school basico. Lo reanuda e programa di entrega computer na muchanan cu ta termina school basico.  Manera ta conoci, sr. Nelson Oduber na un forma sarcastico a califica entrego di computer pa muchanan di school como “coi kens” y a stop e programa aki ora cu e a drenta Gobierno. Cu esaki e lider di MEP a demonstra su falta di vision pa futuro y sentimento pa esnan di menos recurso. E no por a comprende cu e programa aki tawata pa sigura cu yiunan di esnan cu entrada marginal no ta keda atras ariba e yiu di comerciante , ministro of mayornan di mihor entrada. E no por a comprende cu ta trata di un inhusticia social caminda esnan di menos recurso ta keda atras den un desaroyo global. E no por a comprende cu esaki tawata perhudica e muchanan aki door di limita nan posibilidad pa desaroya nan mes optimalmente. E a demonstra cu e no ta den politica pa sirbi su pueblo, sino pa sirbi interesnan comercial di esnan cu ta sponser campaña politico.

E lider amigo tambe a sigura cu lo renoba y mantene e scolnan den un forma continuo y duna balor nobo na e funcion di maestro di scol dor di inverti den profesionalisacion y facilidadnan pa maestronan di scol. Tambe lo inverti mas  den facilidadnan di deporte y recreacion sano. “Nunca mas Aruba lo mester habri e aña escolar cu tanto scol sera, cu tanto scol sin material pa les y cu tanto mayornan sin placa pa paga entrada y gastonan di scol”, lider di A.V.P. , mr. Mike Eman a enfatiza.

Cu esakinan A.V.P. ta demonstra e prioridad di educacion den su maneho pa e siguiente periodo di gobernacion. Esaki no ta promesa di campaña pero simplemente duna comunidad e oportunidad pa ta un comunidad. Duna nos hubentud e derecho ariba educacion pa por prepara nan mes debidamente pa un lugar den nos comunidad. Esey ta nada mas cu e deber di gobernantenan responsable.

Cu e palabranan aki lider di A.V.P., Mike Eman a indica cu lo tin un cambio drastico di maneho y cu e bienestar general di nos pais lo bin atrobe na prome lugar. Cu un gobernante tey pa sirbi su pais y su pueblo y no pa sirbi interes di ningun hende of grupo di hende. Cu atencion pa e necesidadnan di pueblo di Aruba ta derecho di nos conciudadanonan. Cu esnan mas vulnerable lo hanja e ayudo cu  nan merece y no worde pusha mas den miseria. Cu mester duna e faima e oportunidad pa ta un famia cu siguransa di empleo y entrada. Cu un balansa husto den momentonan di trabao, momentonan di educacion momentonan di voluntarismo, momentonan di felicidad y momentonan di union. Tur esakinan ta posibel ora cu bo prioridadadnan como gobierno ta e interes general di bo pais y su habitantenan.

E lider amigo a duna un discurso eloquente y cada dia ta profilando su mes mas y mas como e lider cu ta sali na vanguardia di henter e pueblo di Aruba. Un berdadero lider politico cu tin e determinacion pa trece cambionan grandi. Un lider cu ta dispuesto pa haci sacrificio pa su pais y su pueblo.Un persona honesto y sincero cu merece e confianza di votadornan p’asina Aruba por boble ariba e caminda di oportunidad igual y progreso pa un y tur. “ TA BASTA!”, Mike Eman a enfatiza, vociferando loke ta bibando den pueblo di Aruba. Un Pueblo humilde, sincero y trahador cu ta cansa di worde maltrata pa gobernantenan sin ningun clase di escrupulo, cu abiertamente ta favorece esnan rond di nan mientras cu e gran mayoria di pueblo di Aruba ta worde pusha cada dia mas den miseria cu aumentonan constante di prijsnan pa motibo di BBO. E Pueblo aki ta cansa di 8 aña di abuso caminda esnan serca di ministronan ta enrikese nan mes a costo di pueblo trahador. E pueblo aki ta fada di e negligencia criminal di parti di gobernantenan incapas cu ta destruyendo nos pais. E pueblo aki no por mas! No, na cuatro aña mas! Ningun dia mas cu ta legalmente posibel despues di dia 25 di September. BASTA!

E lider amigo a papia tambe tocante di stimulacion di energia alternativo pa baha e peso di brandstof-clausule y nos dependencia ariba petroleo. AVP tin un plan social pa yuda esnan den mas necesidad y cu no tin otro forma pa yega na mas of mihor entrada. Meta ta pa sigura e necesidadnan basico di un famia den necesidad urgente. Aumenta onderstand cu 50%. Introduci un ayudo financiero di 1200 florin anja, 100 florin pa luna ariba e aumento di onderstand pa muchanan cu ta bai school. “Un mama no mag keda sin drumi di angustia di no sa kico su yiunan lo come e dia siguiente of ki paña e lo bisti nan pa bai scol”, tawata palabranan bon escogi di e lider amigo. Tambe mr. Mike Eman a bisa cu lo yuda pensionadonan y esnan di menos recurso cu un woningtoeslag y un energietoeslag pa yuda den gastonan pa luna di cas.

“Si mi ta para akinan cu un curazon yen di determinacion pa sirbi y sacrifica pa e pais aki, ta pasobra bida y sacrificio a sinja mi, a sinja nos stima, convovi y comparti,” asina e lider amigo a afirma. Ta conoci cu Mike a perde su tata na edad di apenas cinco anja y ta sosten di amigonan di e famia tawata factornan determinante den formacion di e caracter amistoso di e lider di AVP. “Mira den cara di bo  bisiña, su dianan pisa y sinti unda abo por ta util pe. Compronde cu no tin stranhero pero unicamento un amigo cu ainda bo no conoce. Lesa e cicatrisnan di nos grandinan, e aprecio y respet cu ta duna honor y gratitud n’e caminda duro y largo cu nan a cana”, tawata palabranan cu ta testigua e spiritualidad di e lider amigo. “Asina bo ta sinja carga e sonjonan di bo comunidad y pais y pone bo schoudernan bao di e reto pa un mihor mayan pa un y tur”, mr. Mike Eman a indica. Esaki tawata e entrada di un discurso nacional historico caminda e hoben lider di partido no a laga espacio pa ningun duda cu di berdad dia 25 di September Aruba ta drenta un periodo nobo, Un comienso nobo pa un pueblo y un pais, caminda cu idealismo lo prevalece y oportunismo lo ta nada mas cu pasado.

Mike Eman a indica cu den e momentonan curcial aki den nos historia e pais aki a uni pa sigura  felicidad di nos concuidadanonan y pa garantisa su futuro generacionnan tambe por realiza nan soñonan. “Ta e felicidad y futuro aki awe ta na peliger”, asina e lider amigo a enfatiza. Tambe lider di A.V.P. a señala un deterioro grandi di e fibranan cu ta mara nos hunto como un famia, un bario, un pueblo fracturando asina profundament e pilarnan cu mester carga nos como un pais. “E costo di bida, BBO y medidanan a causa un pobresa  preucupante y creciente. Falta di orientacion, orarionan dificil, dianan di trabao largo pa mayornan, droga y alcohol, ta menazando nos hubentud. Criminalidad tin nos hendenan ta biba sera tras di trali y candal. Un maneho inhusto pa imigrantenan y ausencia di un maneho di integracion a crea division y intolerancia. Desperdicio di fondonan publico pa amigo y familiarnan di gobernantenan ta carga nos isla cu debe y ta kibrando nos economia y menasa e stabilidad di nos florin. Intransigencia gubernamental ta causando polarisacion y ta kibra e fibranan di cohesion y union den nos sosiedad. Calidad di bida y union familiar ta deteriorando poniendo hopi famia den situacionnan hopi doloroso” , mr. Mike Eman, e lider amigo a trece dilanti.

E discurso nacional di lider di e partido mas grandi den oposicion, a presenta e dolor di nos pueblo y decadencia den nos pais. Pero e la presenta tambe e solucionan visionario y yen di inspiracion cu pueblo di Aruba ta anhelando pa añanan largo caba. Despues di e discurso nacional aki ta hopi cla cu partido AVP tin e team y e plan pa crea e ambiente, comunidad y economia cu nos pais ta merece.

E anochi a wordo habri pa Sr. Edwin Abath, cu a modera e anochi na e manera cu e so por. Pastor Joseph Marcseau a duna comienso na anochi cu un oracion bunita y inspirativo. Specialmente pa e anochi aki, jiunan y casa di dufunto Watty vos tabata presente pa e anochi grandi aki.

E anochi a conoce varios orador cu a introduci nan lider, Mike Eman. Entre nan tabata ta Marco Christiaans, Mike de Meza y Benny Sevinger. Di otro banda, hobenan tambe a duna nan aporte na e anochi aki. E hobencita Jeanely Brito a lesa un bunita poema cu e la skibi dedica na lider di AVP, Mike Eman. Kristine Moreta, miembro di HAC, a duna un speech bunita y yen di inspiracion ariba e lider di partido cu e conose.

Un momento special di e anochi, tabata e discurso emocional y alegre di Sr. Dolf Hoevertsz. E la papia di e Mike Eman cu e la conose den barrio y na scol. Pero e anochi a crece den un applause ora cu lider di partido AVP a wordo jama padilanti. Henter e publico a lanta para pa ricibi nan lider. Cu un entusiasmo grandi Mike Eman a cuminsa su discurso cu a lanta henter e publico presente. E parti integral di su discurso tabata loke Sr. Eman a jama, e fibranan di nos sociedad. E esfuerzonan personal di hendenan pa mehora nan mesun sociedad. Precisamente loke lo hiba nos pais na e cambio cu e mester y ta desea.

Mirando e cantidad inmenso di hende cu a presenta y e entusiasmo cu nan a mustra, ta mas cu claro cu partido AVP ta cla pa eleccionan 2009 y mas importante ainda ta cla pa trece e cambio cu tanto nos pais ta anhela._

Mike Eman a habri e conferencia di prensa semanal di partido AVP bisando cu e kier a dedica henter e conferencia di prensa na e situacion hopi grave pa loke ta Aruba su desaroyo economico y su futuro dor di e situacion dramatico di nos refeneriaValero. Cada ora cu pasa empresanan cu ta trahando denValero ta notificando hopi empleado cu no tin trabou mas pa nan. E cantidad di empleadonan aki ta cu ta wordo manda cas ta creciendo. Algun tempo pasa tabata parce cu tur hende cu tabata traha directo cu Valero tabata sigur di nan trabou pa tres luna, pero den e ultimo dianan ta parce cu e situacion ta hopi grave y e ta empeorando. Esaki ta masha preocupante mes. Esaki ta pone cu nos tur mester haci nos mes e pregunta fundamental kico pa haci pa ainda rescata e refeneria, pa asina nos no haya un dobel crisis aki na Aruba.

Na e momentonan aki nos ta enfrentando un crisis basa riba 8 aña di negligencia di parti di e gobierno aki pa loke ta trata e desaroyo economico, e desaroyo infrastructural y e desaroyo di educacion di nos pais. Nos ta mire den e perdida grandi di poder di compra, nos ta mire den e pobresa creciente y tambe e ta wordo mira den e crisis social den nos hogarnan pa motibo di e presion economico dor di tur medidanan cu e gobierno aki a tuma. E crisis social aki ta causa di un gran cantidad di problema familiar. Nos ta mira hopi hoben ta haya nan mes ta bandona scol. Otronan cu hopi dificultad pa mantene un desaroyo sano dentro di famia. Esaki ta pone presion grandi riba e famia. E negligencia di parti di gobierno durante e ultimo 8 añanan ta keda refleha den e crisis. E ex director di Banco Central a yame: De fysieke en sociale verpaupering van Aruba”. Bo ta mire den edificionan cu a deteriora, casnan den condicionnan hopi malo, careteranan sin ningun cuido y bo ta mira un impresion general di e producto Aruba den un decadencia. Tur esaki pa motibo di 8 aña di un gobernacion malisimo caminda recursonan grandi di e pais aki a wordo utilisa pa promove e posicion financiero di “Friends and Family” a custia di e futuro di e pais aki.

Hunto cu e crisis grandi aki nos ta mira den industria turistico caidanan grandi di entrada pa locual ta e “revenue per available room”. Na luna di maart di e aña por ehempel e cantidad di persona cu a bin Aruba como turista tabatin un caida di 22%. Un crisis social economico grandi y un crisis economico empeora na e momentonan aki pa negligencia dor di 8 aña di mal gabiernacion y dor di e desaroyo internacional y riba dje nos ta haya un crisis relaciona cu decisionnan cu Valero ta tumando.

Unda bo bai y bo analisa e desaroyonan aki y bo mira kico ta e causa y e remedi bo ta yega na un solo conclusion: Aruba mester di un cambio di gobernacion rapido. Na unda nos lo sa kico ta bai ta e regimennan economico, fiscal, financiero social cu ta bai conduci e pais aki.  Esaki pa duna empresanan y e pueblo Arubano e confiansa bek den futuro di e pais aki, Mike Eman a declara.

Pa substancia e palabranan aki Mike Eman a presenta e corespondencia cu e fraccion di AVP y Mike Eman mes tabatin cu e sr.Bill Klessy cu ta e hefe mayor di Valero dia 28 di november 2007. E momentonan ey tabata e momento crucial cuValero a bisa gobierno cu si e BBO keda cu Valero lo mester tuma decisionnan hopi grandi.  Mike Eman ta haya cu e momento a yega pa cita puntonan cu Valero a presenta pa asina nos pueblo haya sa con culpabel e gobierno aki ta y con culpabel sr.Nelson Orlando Oduber ta pa tur locual ta pasando cu e refeneria awor aki. Mike Eman a cita literalmente for di carta cu Klessy a manda pa partido AVP.

Mike Eman ta cita carta di Valero na 2007:

“As I mentioned to you, the refinery needs over a $1 billion in capital investments to be available for the long-term. These investments will take 4 to 5 years to complete – so if we started tomorrow, they would not be completed until 2011 or 2012 at the earliest. Profit tax of 28% plus an export tax such as the BBO combined with other business unfriendly acts simply do not generate a business climate that is favorable to investment.”

Locual Valero a bisa cu ta imposibel pa e refineria aki por draai cu un winstbelasting di 28% plus un BBO. Mike Eman a bisa cu awe ta mas cu cla cu sr.Nel Oduber y sr.Nilo Swaen ta esnan responsabel di e shut down di e refineria awe y si e sera eventualmente no tin otro culpabel cu sr.Nelson Oduber y su gobierno.

-       No other place in the world taxes petroleum exports like the BBO;

-       The BBO tax puts the Aruban refinery at a substantial economic disadvantage to all other refineries-jet fuel produces in Aruba in priced the same as jet fuel produced everywhere else. The BBO is a cost that makes future strategic investments in the Aruba refinery very unlikely.

-       In our discussions with the Government, we have asked what would happen after the tax holiday ends: would both profit tax and BBO apply? The answer was unclear. That would cause the Aruba refinery to have one of the highest tax situations of anywhere that we operate. With this type of uncertainty, we would have to consider all discretionary investments, while we continue to negotiate.

Na 2007 Valero a bisa gobierno: “kita BBO y mi ta bai paga entre 40 y 50 miyon florin di winstbelasting gana of perde placa y mi ta bai inverti un biyon dollar den futuro di e refineria.

Nan a splica nos y sr.Oduber cu bou di e condicionannan actual di e capacidad cu e refineria tin e no ta competitivo den futuro. E unico manera cu e refineria por ta factibel a termino largo ta si nan a haci e inversion na 2007. Ta un cos so nan a pidi gobierno, esta revoca e ley di BBO y nan lo a inverti den e futuro di e pais aki y lo cuminsa paga 28% winstbelasting cu ta entre 40 pa 50 miyon pa aña. Valero a hasta bai asina leu cu nan a garantisa di lo paga entre 40 y 50 miyon di winstbelasting tur aña. Gana of perde, nan lo a paga e impuesto aki.

For di oposicion partido AVP a traha un presupuesta alternativa den cual a pone basa riba e corespondencia cu sr.Klessy y Valero y mirando e situacion cu esaki tabata e miho paso cu Aruba por tuma. Acepta e propocision di Valero, esta kita e BBO di Valero, y pareu cu esaki kite di pueblo, pasobra esaki ta e compromiso cu partido AVP a haci.Valero e ora lo a cuminsa cu inversionnan grandi. Si na 2007 a cuminsa cu e inversionnan aki nan lo tabata cla na 2012 y awe e situacion ta otro. E scenario lo tabata completamente otro cu e ta awe. Mike Eman tabata mustra masha preocupa cu e situacion na Valero.

Den pasando tabata tin un bon relacion entre Aruba y Ministerio di Relacionan Exterior di Reino. E instituto aki ariba su mes tin un importancia vital pa nos pais. Den varios ocasion e la mustra di tin su importancia pa Aruba. Cu awe nos isla ta un di e poconan cu ta conose un douane y imigracion Americano establece localmente ta prueba di e relacion aki. E ultimo añanan, mientras cu e relacion entre Aruba y otro miembronan den Reino a bay ta deteriora, Aruba a sinti esaki den e relacion cu e ministerio importante aki.

E ultimo añanan, ministerio di relacionan exterior a sirbi pa conecta “friends & family” cu negoshinan den exterior. Esaki ta tipo di cosnan cu ta pone e relacion entre Hulanda y Aruba mas den problema ainda. Ora cu un ministerio asina importante y cu asina potencial pa juda Aruba ta wordo usa entre otro pa ruman di minister bira “liason” pa negoshinan grandi. E importancia di un ministerio asina por ta cu no ta visibel of comprendibel pa Nel Oduber, pero no por sigui di e manera aki. E Cambio mester bin pa pone interesnan di Aruba na prome lugar.

Bon relacion cu e ministerio aki, pero mas importante ainda cu henter Reino, ta algo cu ta ariba lista di prioridad di e gobierno di AVP na caminda. Aruba mester resalta atrobe como e pais den Reino pa su profesionalismo y dinamismo, y no pa investigacion di corupcion y mal relacion cu practicamente tur partner den Reino. E cambio mester bin pa Aruba y su pueblo. Aruba y su pueblo por confia cu e cambio ey lo ta den e caminda cu AVP hiba su pueblo.

Ariba tur topico a envolvi un gran cantidad di e mihor hende y profesionalnan ariba e tereno specifico pa formula e plannan necesario pa pone nos pais bek ariba e bon caminda. Loke e partido den gobierno, MEP ta lagando nos cu ne ta desastroso. Si tuma como ehempel e situacion cu e gobierno aki a hinca nos aden relaciona cu criminalidad, por mira claramente cu e maneho den e ramo ey tabata uno totalmente inefectivo y sin algun vision.

Nos pueblo tin problema serio cu un entrada cu a baha y na e mesun tempo un costo di bida cu a subi pa motibo di implementacion di B.B.O. Alvia esnan mas dependiente ta un priorida grandi di programa di AVP, “Ariba Aruba”. Tanto e parti di hisa entradanan dor di pone nos economia florece y tambe baha e costo di bida dor di elimina e BBO cu a wordo implementa sin algun vision of planeamento realistico. E ultimo aki tabata tin como consecuencia cu BBO a crea un inflacion nunca bisto na Aruba.

Nos turismo ta un aspecto cu Aruba Ariba ta duna su atencion necesario. E ultimo añanan turismo di Aruba a wordo tipifica pa un maneho cu ta carece di conocemento pa por hiba e industria turistico na un nivel adecua pa nos pais. Entrada di turismo na Aruba ta bahando cada dia mas y compara cu pais y islanan den nos vecindario, nos turismo ta kedando atras. Aruba tabata un tempo e “trend-setter” den turismo den Caribe y tambe na Mundo. Awe nos turismo ta coriendo tras di esnan cu un tempo nos tabata lidera. Liña di crucero Carinval Cruises a laga Aruba cay como destinacion, hunto cu algun otro isla. E otro islanan a atende e situacion y awe nan tur ta anfitrion di Carnival Cruises, menos Aruba. Mientras cu na Aruba American Airlines a stop vuelonan di American Eagle, y ta bahando cantidad di vuelonan di American Airlines mes, Curaçao ta haya vuelonan adicional. KLM tin e mesun experiencianan cu American Airlines na Aruba. Pero nan a desaparece, despues di ta bishita Aruba sin interupcion pa decadanan, for di cielonan Arubiano.

E compromiso di AVP ta pa hiba Aruba bek na e nivel turistico cu e tabata ta y mehora esaki. E daño cuasa pa e maneho sin vision di partido MEP di e ultimo añanan tabata tin un efecto teribel ariba turimso na Aruba. Hincando criminalidad den e formula aki, e desaster ta completo. Pero partido AVP ta prepara pa e reto aki.

Aruba Ariba a conta cu e mentenan mas creativo y profesional y pa implemente, partido AVP, hunto cu su lider a crea un team di profesionalnan cu ideal y visionan grandi pa e pais aki. Awe team di AVP ta pasando rond id Aruba pa comunica nos pueblo e planan pa futuro di Aruba. E recepcion tur caminda ta uno di entusiasmo ecepcional. E pueblo ta sinti cu ta berde mes ta e cambio cu Aruba merece.

Lider di partido AVP ta kere cu criminalidad mester tin atencion serio di e gobierno cu sinta despues di eleccionan di september 2009. Un gobierno di AVP lo tin atencion serio pa baha criminalidad na Aruba. Manera hopi sa caba, e partido berde su opinion ta cu Hotel Central como un “neishi” di Choller mester wordo para. Hotel Central mester wordo sera manera cu AVP drenta gobierno y lo busca un otro lugar pa ubica e adictonan problematico aki na unda nan por haya e trato y atencion adecuado pa por bira miembronan util di e comunidad aki.

Mike Eman, mirando e situacion serio aki den nos pais, ta kere cu mester tin mas sosten pa e polis den e casonan aki. Algun siman atras e lider di AVP a wordo aserca pa representantenan di SPA, e sindicato di polisnan na Aruba. E representantenan a entrega lider di partido un raport cu ta ilustra un gran cantidad di asuntonan cu ta bay robes den e trabou di polisnan na Aruba. Algo cu ta hopi serio ta e manera cu polisnan ta wordo trata den nan pago y toelagenan. Un otro aspecto serio di henter e asunto aki ta e negligencia cu tin pa e problemanan aki. Polis ta un trabou peligroso y cu cierto aspectonan cu no ta aplicabel pa otro trahadornan. Adicional na e esaki, e polisnan tin di preocupa nan mes cu nan situacion financiero y tur e consecuencianan cu esaki ta trece cu ne. E polis mester su atencion total pa por traha na bienestar di nos pais. Pesey Mike Eman y Arthur Dowers a bishita e.o. warda di polis di Noord siman pasa, pa por mira pa nan mes e situacion cu e polisnan aki ta trahando aden.

Siman pasa, ariba invitacion di Mike Eman, ex-comisarionan di polis a reuni cu e lider di e partido berde, pasobra e atencion pa criminalidad no por ta uno sin mas. E ta rekeri di un vision y mester ta parti di un investigacion completo. E comisarionan van der Straten, Peterson y Nectar hunto cu Luciano Milliard y Mike Eman a discuti varios sugerencia y consehonan cu a bin ariba mesa. E meta ta pa por crea un vision mas cla ariba diferente aspectonan cu mester mehora y otronan cu sigur mester cambia.

Un reunion adicional cu e ex-comisarionan lo wordo teni den futuro cercano, pasobra topiconan di e magnitud aki ta rekeri hopi dedicacion y atencion. Cu cosnan no por sigui asina na Aruba ariba varios tereno ta un echo. E urgencia ariba tereno di criminalidad ta uno hopi serio y ta pesey mes e atencion di partido AVP, lidera pa Mike Eman ta uno serio y lo wordo haci di un manera profesional.

Den e ultimo añanan tin un situacion andando den relacionan entre Aruba y Hulanda cu no ta combini e pueblo di ningun di dos banda. E situacion ta birando mas y mas malo, cu e consecuencia cu practicamente no por papia di un relacion sano entre e dos partinan den Reino. Adicionalmente, na e momentonan aki tin problemanan tambe entre Aruba y e otro parti di Reino cu ta Antiyas.

Segun Mike Eman e dos paisnan tin di cuminsa traha bek ariba un mihor relacion entre e dos miembronan di Reino. Den opinion di AVP, tin mucho mas di gana cu un bon relacion cu partnernan den Reino cu na e mementonan aki te caso.

Na final tur dos a expresa palabranan di elogio pa e trabounan di otro den relacionan di nos paisnan.

E hobenan a haya un splicacion ariba e diferente maneranan pa planta entre otro calbas largo, concomber, maishi y maishi rabo. Tur mucha na final a haya un concomber regalo, pero mas importante ainda nan a haya sa cosnan cu lo keda den nan memoria pa semper. Algun di e muchanan a haya e splicacion asina intresante cu nan a keda di bolbe pa splicacion mas detaya pa nan mes por haci algo similar na nan cas: Un generacion nobo cu lo carga e conosimento di nos grandinan pa e futuro nan dilanti.

Mike Eman a keda sumamente contento cu e atardi aki, pasobra cu e conose Dechi y sa di Dechi su experticio. Segun Eman, “nos jiunan mester conose y sinja di e experiencia di nos grandinan. Dechi tin un conosimento y experiencia amplio pa duna e splicacion na e hobenan. Ora bo wak e hobenan wowo ta briya y bira grandi, bo por compronde cu nan ta compronde, aprecia y gusta e bunitesa tras di e trabou.”